Op snein 19 juny (moarn dus) hâlde wy tusken 10.00 en 16.00 oere iepen dei. De waarberjochten binne goed; it skynt yn alle gefallen droech te bliuwen. Dat betsjut dat jo lekker de greide yn kinne, by de kij en it jongfee sjen kinne, of gewoan genietsje kinne fan it lânskip en fegetaasje.

Dêrneist kinne jo produkten fan Zuiver Zuivel priuwe en fersoargje wy in koarte rûnlieding op it bedriuw .

Ien puntsje fan oandacht: moarn wurdt de dyk by ús in skoftsje ôfsluten yn ferbân mei de Acht van Drachten, in rekreaasjeloop fan Beetstersweach nei Drachten. Tusken 14.00 en  15.00 oere is de dyk ticht.

Hooplik oant moarn !